Бүгін бюрода статистикалық ақпарат пайдаланушылармен, оның ішінде орталық және жергілікті атқарушы мемлекеттік орган өкілдерімен, зерттеушілермен, талдаушылармен және түрлі сала сарапшыларымен кезекті онлайн-сессия өтті.
2024 жылғы I тоқсанда Қазақстандағы Халықаралық еңбек ұйымының әдістемесі бойынша есептелген (табысты кәсібі (жұмысы) болмаған, оны белсенді іздеген және жұмысқа кірісуге дайын) жұмыссыздық деңгейі 4,7% құрады.
2024 жылғы 1 сәуірдегі жағдай бойынша халық саны 20 095 963 адамды құрады, оның ішінде қала тұрғындары – 12 513 014, ауылдықтар – 7 582 949 адам. 3 айда халықтың жалпы өсімі 62 121 адамды құрады.
Бір жылда (2024 жылғы сәуір 2023 жылғы сәуірге) жаңа тұрғын үйлерді сату бағасы 1,6%, пәтерлерді қайта сату бағалары 0,1% өсті. Абаттандырылған тұрғын үйді жалға беру төлемі өткен жылғы тиісті аймен салыстырғанда 2024 жылғы сәуірде 3,1% жоғарылады.